ဒီ ယန္တြကို မူရင်းကျမ်းမှာတော့ ရွှေပြားပေါ်မှာရေးထွင်းရမယ်လို့ ဆိုထားပါတယ်။ မူကွဲကျမ်းတချို့ကမှာ ကတော့ ငွေပြား၊ ကြေးပြားလိုအရာတွေပေါ်မှာပါ ရေးထွင်းစီရင်နိုင်တယ်လို့ ဆိုထားပါတယ်။ ဒီမှာတော့ ကျနော်အသုံးပြုခဲ့တဲ့ လွယ်ကူတဲ့နည်းလမ်းကိုပဲ ပြောပြပါမယ်။ မိမိလင်ယောကျ်ားနဲ့အဆင်ပြေစေဖို့၊ နားလည်မှုရရှိစေဖို့၊ ချက္ကရများကို ဟန်ချက်ညီစေဖို့၊ ရပ်ဝေးမှလူ ပြန်လာစေဖို့၊ ခန္ဓာကိုယ်မှ ဓာတ်လေး ပါးညီမျှပြီး ကျန်းမာစေဖို့အတွက် အသုံးပြုနိုင်ပါတယ်။

 

အသုံးပြုနည်း …

ပြထားတဲ့ ယန္တြကို မျဉ်းကြောင်းမပါတဲ့ စက္ကူအဖြူတစ်ရွက်ပေါ်မှာ ခဲတံနဲ့ပုံတူ ကူးရေးလို့ဖြစ်စေ၊ မိတ္တူကူးယူလို့ဖြစ်စေ အသုံးပြုနိုင်ပါတယ်။ ကျနော်ကတော့ အသုံးပြုမယ့်သူရဲ့ မွေးနေ့ မနက် ၉း၄၅ မှာ မိတ္တူကူးယူစေပြီးမှ ကြွေပန်းကန်ပြားတစ်ချပ်ရဲ့အလယ်မှာ ကော်နဲ့ကပ်ခိုင်းလေ့ရှိပါတယ်။ ပြီးရင် အဲဒီ ပန်းကန်ထဲမှာ ပန်းအဖြူ ( ၄၅ ) ပွင့် ( သို့ ) နွားနို့တစ်ခွက်ကို ထည့်ခိုင်းပြီး အောက်ပါဂါထာနဲ့ ၄၅ ခေါက်ရွတ်ခိုင်းလေ့ရှိပါ တယ်။

 

"Mahim muladhare kamapi manipure huthavaham

Sthitham svadhistane hridi marutamakasam upari;

Mano'pi bhruu-madhye sakalamapi bhittva kula-patham

Sahasrare padme saha rahasi patyaa viharase."

 

မူရင်းမှာတော့ ၁၀၀၈ ( တစ်ထောင့်ရှစ်ခေါက် ) ရွတ်ရမယ်လို့ဆိုပါတယ်။ ရွတ်နိုင်ရင်တော့ အကောင်းဆုံးပါပဲ။ ဒါပေမယ့် ကျနော်ကတော့ အရှေ့မြောက်အရပ်လှည့်ထိုင်ပြီး တစ်နေ့ ( ၄၅ ) ခေါက်နှုန်းနဲ့ ၄၅ ရက်ရွတ်ဆိုခိုင်းလေ့ရှိပါတယ်။ ဘယ်လောက်ခက်ခဲပါစေ … နောက်ဆုံးအဆင်ပြေသွားတာချည်းပါပဲ။ ဂါထာက လူတိုင်းလိုက်ရွတ်ဖို့ အဆင်မပြေတတ်ပါဘူး။ ဒီတော့ ကျနော်ဘယ်လိုလုပ်ခိုင်းသလဲဆိုရင် အဲဒီဂါထာရွတ်ထားတဲ့ အသံဖိုင်ကို ဖုန်းနဲ့ဖွင့်ခိုင်းပြီး စိတ်ထဲကနေ လိုက်ပါရွတ်ဆိုနေဖို့ အကြံပြုလေ့ရှိပါ တယ်။ ဒီလိုလုပ်လည်း အဆင်ပြေပါတယ်။ အသံဖိုင်ကို လိုချင်ရင် အောက်မှာ ဒေါင်းယူပါ။ နမူနာ နားထောင်လို့ရအောင်လည်း ဖန်တီးပေးထားပါတယ်။

 Download Mp3

ပညာရှင်များအတွက်ကတော့ ဒီယန္တြ ကို ပုလင်းအစီရင်တွေနဲ့တွဲပြီး အသုံးပြုနိုင်အောင် သီးသန့် သင်ခန်းစာပြုလုပ်ပေးပါမယ်။